Jinasādhāraṇastavana — Jaina Literature Portal

Publication Details

NameJinasādhāraṇastavana (samasaṃskṛta) AuthorHaribhadrasūri PublisherNemisuri Gyanmandir Ahmedabad (1979) PublicationAnusandhāna Issue 22 EditorŚīlacandrasūri Digitised byVyom A. Shah

Metre: Āryā — yasyāḥ prathame pāde dvādaśamātrāstathā tṛtīye'pi. aṣṭādaśa dvitīye caturthake pañcadaśa sā''ryā..

वृत्तम्: यस्याः प्रथमे पादे द्वादशमात्रस्तथा तृतीयेऽपि। अष्टादश द्वितीये चतुर्थके पञ्चदश साऽऽर्या॥

This is a sama-saṃskṛta-prākṛta stavana which means it can be read in both Saṃskṛta and Prākṛta and it will also mean the same.

Jinasādhāraṇastavana (Samasaṃskṛta) by Haribhadrasūri

aṅgulidalābhirāmaṃ suranaranivahālikulasamālīḍham.
deva! tava caraṇakamalaṃ namāmi saṃsārabhayaharaṇam..1..

kāmakarikumbhadāraṇa! bhavadavajalavāha! vimalaguṇanilaya!|
kiṃkillipallavāruṇa-karacaraṇa! niruddhacalakaraṇa!..2..

māyāreṇusamīraṇa! bhavabhūruhasindhura! nirīha!.
maraṇajarāmayavāraṇa! mohamahāmallabalaharaṇa!..3..

bhāvārihariṇaharivara! saṃsāramahājalālayataraṇḍa!.
kalilabharatimirabhāsuraravimaṇḍala! guṇamaṇikaraṇḍa!..4..

amara-purandara-kinnara-naravarasandohabhasalavarakamala!.
karuṇārasakulamandira! siddhimahāpuravaranivāsa!..5..

svasamayakamalasarovara! suragirivarasārasundarāvayava!.
cintāmaṇiphalasaṅgama! rāgorugagaruḍavaracaraṇa!..6..

harahāsa-hāra-himakara-hima-kunda-kareṇudhavala! samacitta!.
akalaṅka! sukulasambhava! bhavavirahaṃ dehi mama deva ! ..7..

evaṃ saṃskṛtavacanaiḥ prākṛtavacanaiśca sarvathā sāmyam.
vidadhānairvinuto me jineśvaro bhavatu sukhahetuḥ..8..

iti sarvaśrījinasādhāraṇastavanaṃ samasaṃskṛtaṃ śrīharibhadrasūrikṛtam..

जिनसाधारणस्तवनं समसंस्कृतं हरिभद्रसूरिविरचितम्

अङ्गुलिदलाभिरामं सुरनरनिवहालिकुलसमालीढम्।
देव! तव चरणकमलं नमामि संसारभयहरणम्॥१॥

कामकरिकुम्भदारण! भवदवजलवाह! विमलगुणनिलय!|
किंकिल्लिपल्लवारुण-करचरण! निरुद्धचलकरण!॥२॥

मायारेणुसमीरण! भवभूरुहसिन्धुर! निरीह!।
मरणजरामयवारण! मोहमहामल्लबलहरण!॥३॥

भावारिहरिणहरिवर! संसारमहाजलालयतरण्ड!।
कलिलभरतिमिरभासुररविमण्डल! गुणमणिकरण्ड!॥४॥

अमर-पुरन्दर-किन्नर-नरवरसन्दोहभसलवरकमल!।
करुणारसकुलमन्दिर! सिद्धिमहापुरवरनिवास!॥५॥

स्वसमयकमलसरोवर! सुरगिरिवरसारसुन्दरावयव!।
चिन्तामणिफलसङ्गम! रागोरुगगरुडवरचरण!॥६॥

हरहास-हार-हिमकर-हिम-कुन्द-करेणुधवल! समचित्त!।
अकलङ्क! सुकुलसम्भव! भवविरहं देहि मम देव!॥७॥

एवं संस्कृतवचनैः प्राकृतवचनैश्च सर्वथा साम्यम्।
विदधानैर्विनुतो मे जिनेश्वरो भवतु सुखहेतुः॥८॥

इति सर्वश्रीजिनसाधारणस्तवनं समसंस्कृतं श्रीहरिभद्रसूरिकृतम्॥